د اوفا شبکه د مطلق افغاني فارمټونو په لړۍ کې تېره شنبه (د سپټمبر ۲۸مه) د امریکې په اتلانتا، جورجیا ایالت کې د مطلق افغاني فارمټ کوربه وه. د دې فارمټ موخه د لوی هېواد په اړه ستراتېژیک ډیالوگ و. په ترڅ کې یې د افغانانو د فکري ایکوسیستم پر بډایتوب، د افغانانو د ستراتېژیک لید، او د جیو پولیټیکو پرمختگونو په نظر کې نیولو سره، د یوې ځانگړې افغاني لارې پر تعقیب ټینگار وشو.
اوفا د افغانانو کمزوری ملي صلابت، په وچه کې گیر افغانستان، د لوی روایت نه شتون، او د بلوڅانو سره د دودیزې ملگرتیا بیا راژوندي کول، په پرنسیپ کې د ستونزو او فرصتونو په توگه تعریف کړي دي.
اوفا باور لري چې افغانان، د بلوڅو او نړیوالو ملگرو سره په گډه، کولی شي په دې سیمه کې نوی نظم رامنځته کړي.
همدا راز، اوفا هڅه کوي چې د پورته لوړو موخو او ارمانونو د ترلاسه کولو لپاره، یو نوی پاراډایم یا لوی عصري فکري چارچوب رامنځته کړي.
د اتلانتا جورجیا فارمټ یوه ځانګړنه د افغانستان د ملي ترکیبونو ښکلاو نمایش و. د لوی هېواد مختلفو قومونو په کې برخه اخیستې وه، او دوی د افتراق او انشعاب پر موضوعاتو خپل نظریات له یو بل سره شریک کړل.
ویل کېږي چې دغه لړۍ به د امریکې د نورو ایالتونو په گډون، کاناډا، اروپا او هند ته هم وغزېږي!
