نوټ: هويت نيوز د دغه سرتيری انځور ايډټ او هويت يې خوندي ساتي.
د ۲۰۲۱ کال د آگسټ پر ۲۱مه د افغانستان د اسلامي جمهوریت پر پرځېدلو سره افغان ملت له گڼو ستونزو سره لاس و گریوان شو. د طالبانو شاوخوا درې نیم کلنې واکمنې افغان ملت له بېکارۍ او بېوزلی سره مخ کړ. د هېواد روان وضعیت که څه هم د ټولنې هر قشر او ټولگی اغېزمن کړی، خو د مېرمنو او د افغان ملي امنیتي ځواکونو زیانمننه له بل هر پاړکي څخه زیاته ده.
طالبانو له مېرمنو د کار او زدهکړو حق اخیستی. امنیتي ځواکونه د طالبانو په واکمنۍ کې پر بېکارۍ او بېوزلۍ سربیېره د تعقیب او مرگ له گواښ سره هم مخ دي. د امنیتي ځواکونو زیاترو کارکوونکو یا هېواد پرېښی یا هم په پټه د بېوزلۍ سخت ژوند کوي. دوی او کورنۍ یې پر اقتصادي ستونزو سربېره، تر نورو زیات له رواني ستونزو کړېږي.
سمير (مستعار نوم) هم همداسې یو کس دي. هغه د پرځېدلې ملي اردو سرتيری چې اوس د کابل ښار په کوڅو کې د څښلو اوبه پلوري. سمیر هېواد ته په خپل کړي خدمت ویاړي او وايي:
سمیر (مشتعار نوم) د ملي اردو پخوانی سرتېری
سمير زياتوي، څلور بچي لرم او د دې پر ځای چې خلک مې تشويق او وياړ را باندې وکړي پيغورونه را کوي چې سرتيري اوس لاس کراچۍ چلوي.
نوموړی له خلکو او پخوانیو چارواکو گیلهمن دی او وايي چې امنیتي ځواکونه ټولو هېر کړي دي او ان خلک ملنډې پرې وهي. د هغه پر خبره چې د جمهوريت له پرځېدلو وروسته یې چا لاسنیوی او پوښتنه نه دي کړي. سمیر وايي چې ډېری پخواني سرتېري د کراچیو چلولو په څېر سخت کارونه کوي.
په هېواد کې چې زیاتره وگړي یې د بېوزلۍ تر کرښه لاندې ژوند کوي، ورځنۍ کارونه، لکه کراچۍ چلول یا روزمزد کارونه له یوې خوا کم دي له بلې خوا یې عاید ډېر کم دی چې د ورځني ژوند کمه برخه، لکه خواړه هم نه پوره کوي.
سمبر سربېره پر دې چې د وزلۍ او بېروزگارۍ سخت ژوند تېروي، خو د سرتېري په توگه پر خپل خدمت پښېمانه نه دی او ویاړ پرې کوي. هغه وايي:
شمیر (مستعار نوم) د ملي اردو پخوانی سرتېری
پيښمانه نه يم چې د هېواد سرتيری وم او زه له خپل ګران افغانستان سره ژمنه کوم چې زما بچي به هم د دې پاکې خاورې سرتيري وي.
نوټ: هويت نيوز د دغه سرتيری انځور ايډټ او هويت يې خوندي کړ.
